Page 14 - ЛИТЕРАТУРА ААҔЫЫТА 3 КЫЛААС 1 ЧААҺА

— Хайа, телевизорга билигин мультик кэлиэхтээх!
Оҕолор бары дьиэлэригэр ыстаннылар.
— Бардыбыт! — Миша Лёвкатын тиэтэттэ.
— Ээ, мин барбаппын, — Лёвка хата холку, — мин
биэрбит тылбын толорорго үөрэнэбин. Бүгүн мультик
көрүөм суоҕа диэтим да, ону хайаан да толоруохтаах-
пын. Эттим — бүттэ, космонавтар уонна разведчиктар
курдук. Эн бар ээ...
Миша кэннин хайыһа-хайыһа дьиэтин диэки хаамта.
Онтон, тохтоон тура түһээт, төннөн кэллэ.
— Мин эмиэ тылбар турарга үөрэниэхпин баҕарабын.
Ийэм, куруук эрэннэрэргин эрэ сатыыгын, этэн баран
оҥорбоккун диэн мөҕүттэр.
— Дьэ, хата бэрт! — Лёвка үөрэ түстэ! — Иккиэ
сырыттахха тылга турар быдан чэпчиэҕэ.
Кырдьыга да оннук. Миша бэйэтэ эбитэ буоллар,
мультик көрө сүүрбүтэ ыраатыа этэ. Саатар, аһаҕас
түннүктэринэн барыта иһиллэ турар. Оннооҕор иккиэ-
лэспиттэрин үрдүнэн тылга турар бэрт кытаанах эбит.
Чочумча* буолан баран, Лёвка ыйытта:
— Эн мантан ыла куруук эппиккин толорор буолаҕын
дуо? Мин сарсын минньигэһи сиэбэт күнүм.
— Мин эмиэ! — Миша быһаарыылаахтык хардарда.
Дьиэтигэр киирбитигэр, ийэтэ ыйыта тоһуйда:
— Хайа, бүгүн тоҕо мультик көрбөтүҥ? Үчүгэй баҕайы
мультиктары көрдөрдүлэр.
— Мин эппит тылбын толорорго үөрэнэбин.
— Хайыа! — аҕата соһуйда да, тугу да элбэҕи
саҥарбата.
Сарсыарда Миша уһуктубутугар, дьиэ иһэ минньигэс
14