Page 37 - ЛИТЕРАТУРА ААҔЫЫТА 3 КЫЛААС 1 ЧААҺА

Анна Неустроева

О¡ОЛОР

(Кылгатылынна)

1. Тиэкиһи оруолларга үллэстэн ааҕыҥ.
2. Кэрээбэккэ этэрэ, хараан киэһэ диэни хайдах

өйдүүгүн?
3. Хараххар туох хартыына көстөрүй? Санааҕын үллэ-

һин.

Саас, күөх көҕөрбүтүн кэннэ. Сааскы хаар уута намыһах
кэдээли*, аппаны килэччи сабан, күөх өҥүнэн долгун-
нуран көстөрө. Кус-хаас кэлиитин өрөгөйө этэ. Киһини-
сүөһүнү барытын кэрэхсэтэр, кэрэ чуор саҥалаах кэҕэ
кыыл барахсан кэрээбэккэ этэрэ. Күн киирэн, саһарҕа
куула* хайаҕа тыкпыт, уу чуумпу, хараан киэһэ этэ.

Майыана сайылык оҕолоро Куонаан, Бүөккэ, Биэрэ,
Хабыычча, Кылааса уонна Бааска буолан бары мун-
ньустан, толооҥҥо дьаарбайа барбыттара. От күрүөтүн
таһыгар сайын отчуттар отууланар улахан хара үөттэрэ
лөглөйөн турара. Оҕолор ол үөт төрдүгэр олорон ону-
маны кэпсэппиттэрэ.

Ол кэпсэтэ олордохторуна, элбэх хаас саҥата айма-
на түспүтэ. Оҕолор ону истээт, үөһэ хантас гына көрө
түспүттэрэ, арай элбэх баҕайы үөрдээх хоҥор хаастар*
икки салаалаан көтөн субуһан иһэллэр эбит. Онтон ол
хаастары көрөөт, Куонаан эппит:

— Оҕолоор, мин эһиэхэ хаастар тустарынан садаач-
чата биэриим эрэ, ону эһиги таһаарыҥ!

37