Page 94 - ЛИТЕРАТУРА АА5ЫЫТА 4 КЫЛААС 1 ЧААhА

— Баҕар, кэпсиим даҕаны, — диир убайым уонна ар-
гыый кэпсээбитинэн барар. — Сайын этэ. Моойто диэн үс-
түөрт ыйдаах ытым оҕотун батыһыннаран ойуурга дьаар-
байа бардым. Ойуур сорох сиринэн наһаа хойуу, ыт мун-
на баппат үлүгэрэ. Ытым оҕото, ойуурга сылдьа үөрүйэҕэ
суох буолан, онно-манна кыбыллан, эбэтэр мэһэйдэтэн,
хаайтаран ыһыы-хаһыы бөҕөтүн түһэрэр. Оччоҕуна ыппын
сороҕор бэйэм баран босхолуубун, арыт бэйэтэ босхо-
лонон үөрэн-көтөн кэлэр. Ол курдук дьаабыланан өр сы-
рыттыбыт. Ытым оҕотун мунан хаалыа диэн харахпыттан
сүтэрбэппин.

Эмискэ ытым оҕото үрэр курдук чардырҕаата. «Ээ,
эмиэ маска кыбылынна адьарай! — диэн мөҕүттэ-мөҕүт-
тэ ытым үрэр сирин диэки бардым. Тиийбитим: кытар-
хайдыҥы, саһылга майгынныыр, борбуйун саҥа көтөхпүт
бөрө оҕото икки титирик икки ардыгар, ачаах маска кы-
быллан хаалбытын ытым оҕото үрэн чардыргыыр эбит.
Бастаан, өлөрөн кэбиһиэххэ дуу дии санаталаан баран, бө-
рө оҕотун аһынным, маска кыбыллан босхолоно сатаан
ойоҕоһун дьуккуруппут, ол иһин арҕаһыттан өрө ыйаан та-
һааран, ачаах мастан босхолоон сиргэ туруорбуппар, ытым
оҕото бөрө оҕотун сирэйин салаа да салаа буолла.

Суолу-ииһи чинчийбитим: бөрө оҕото өр кыбыллыбыт
быһыылаах, тула от дэлби тэпсиллибит. Сэрэйдэххэ, ийэ-
тэ ырааппатах быһыылаах. Ол иһин, ыппын ыҥыран ил-
дьэ бараары гыммыппар, ытым бөрө оҕотун үлбүрүйэр,
кинилиин оонньуур. Моойто, бөрөттөн арахсымаары гым-
мытын иһин, көтөҕөн ылан илдьэ бардым. Баран иһэн
кэннибин хайыһан көрбүтүм, бөрө оҕото биһигини батыс-
пакка, атын сир диэки бара тураахтаата. Ийэтигэр барар
быһыылааҕа.