Page 95 - ЛИТЕРАТУРА АА5ЫЫТА 4 КЫЛААС 1 ЧААhА

Хас да хонон баран Моойтом сүтэн хаалла. Ытым оҕо-
тун көрдөөн ыҥыра-ыҥыра хас да күн хаамтым да, бул-
батым. Ол сылдьан бөрө оҕотун өлөрбөтөхпүттэн кэмсин-
ним: «Бөрө сиэтэҕэ, акаары оонньуу бара сылдьан был-
дьаттаҕа. Аны бөрөлөрү тыыннаах хаалларар үһүбүөн» диэн
испэр абаланным. Саа ылан бөрөлүү бардым. Хаамтым
да хаамтым, тугу да көрбөтүм, саатар ытым оҕотун түүтүн
да булбатым.

Ити курдук бөрөлүү да, ытым оҕотун көрдүү да сыл-
дьан, чугас туох эрэ ыйылыырын иһиттим. Ыйылыыр сир
диэки саабын бэлэм тутан бардым. Тулабар туох да баа-
ра биллибэт, арай сир анныгар ыйылыыр саҥа иһиллэр
эбит. Ханан хайаҕастааҕын көрдөөтүм. Бүөлэнэн эрэр бэрт
кыра хайаҕаһы булан иһиллээтим, ыйылыыр саҥа онтон
кэллэ. «Моойто эрэйдээх бу хайаҕаска түспүт буоллаҕа,
сордоох сэттэ-аҕыс хонук устата аччыктаан өллөҕө» диэн
саныы-саныы, хайаҕас тулатын илиибинэн тоҕута тыытан
кэҥэттим уонна өҥөс гыммытым: Моойто үөрэ-көтө куту-
ругун хамсаппахтыыр, улааппыт, миигин көрөн ыйылыы-
ыйылыы эккэлиир, өрүтэ ыстанар. Дьиибэргиэм иһин,
ытым олох да аччыктаабатах, хата, кини тулатыгар хас да
куобах сэмнэҕэ ыһылла сыталлар. «Бээрэ, ытым оҕотун
ким бултаан аһатта?» диэн хайаҕас тулатын суоллаатым.
Онтум, улахан баҕайы бөрө чүүччэммит. «Оо, ол аата ытым
оҕотун, тыһы бөрө ас таһан, өлөр өлүүттэн быыһаабыт.
Дьэ, хара харах көрбөтөх, хаптаҕай кулгаах истибэтэх тү-
бэлтэтэ буолбут», — саҥа аллайабын.

Баҕар, оҕотун өлөрбөтөҕүм, быыһаабытым иһин махта-
нан, ыппын аһаппыт буолуохтаах. Кини, мин оҕотун хай-
дах быыһыырбын, ойуур быыһыттан көрө сыппыт эбит, —
диэн убайым кэпсээнин түмүктүүр.