Page 76 - ЛИТЕРАТУРА ААҔЫЫТА 4 КЫЛААС 2 ЧААҺА

Дьэ бу олордоҕуна, били чабычахха олорор оҕото са-
рылаан ахан биэрдэ. Ону Ньукуус букатын өйдөөн исти-
бэккэ, аахайбакка олордо. Маныаха түбэһэ ийэтэ тахсан,
быһа боччумуран олорор уолу: «Аны оҕотун көрбөккө,
көмөрүнэн оонньуу олорор эби т дуу!» — диэбитинэн, кэ-
д эс гына түһүөр диэри, уол тымтыгын былдьаан ылан,
иэнин быһа курбуулаата. Онтон: «Ыл, оҕоҕун көр!» — д и э-
битинэн, Ньукууһу ум са садьыйан кэбиһэн баран, хотону-
гар киирдэ.

Ньукуус чабычахха олорор оҕо үрдүгэр бүк түһэн оло-
рон: «Кыайар уола, тоҕо куруук ытыыгын, киһини мөхтө-
рөҕүн?» — дии-дии муос эмэккэни уолун айаҕар быһаҕа-
һыгар диэри симмэхтии олордо. Ол олорон: «Сөдүөччүйэ
кыыс, Н ээстэр үөрэнэллэр үһү, арай мин эрэ үөрэм м эп-
пин. Кинилэр, баай оҕолоро буолан, харандаастара, ку-
мааҕылара сүр. Оттон миэхэ сатаатар хоруо, тымтык
баҕалаах», — дии-дии, сык-сык ытаата.

Киэһэ дьоно хотонтон тахсыбыттарын кэннэ, аҕата кии-
рэн кэллэ. Утуйарыгар: «Үөрэх сотор у аһыллар үһү», — ди эн
кэпсээтэ. Ону истэн баран, Ньукуус: «Мин үөрэниэм», —
диэтэ аргыый.

— Туохпутунан кыайан үөрэттэрэр үһүбүт. Дьадаҥы
ийэттэн-аҕаттан төрөөбүт буруйдаах киһи хараҥ аҕа муна
сылдьыаҥ буоллаҕа дии. Үөрэх биһигинньиктэргэ анам-
матах быһыылаах. Ити Уйбааскы суруксут биһикки бииргэ
үөскээбиппит. Кини баай уола этэ, мин имииһит Даллары
уолабын. Оҕо эрдэҕинэ миигиннээҕэр быдан акаары, бы-
дан аҥала этэ. Ол үөрэхтэнэн, билигин мин диэки көрбөт
даҕаны. Мин, кини курдук үөрэммитим буоллар, ама кини
саҕа буолбат этиэм, — диэтэ Ньукуус аҕата.