Page 73 - ЛИТЕРАТУРА ААҔЫЫТА 4 КЫЛААС 2 ЧААҺА

гыннар, начаас сэниэбит эстэн хаалар. Кыайан турар да
күүс суох буолар. Иччилэрбит буоллаҕына, кэннибититтэн
талаҕынан кускуурдууллар:

— Һэй, һэй, һэй!..
Ол эрээри кэнникинэн аһыннылар:
— Табаларбыт мөлтөөтүлэр ээ, быһыыта. Тохтотуохха.
Уоскута түһүөххэ.
Биһиги, кырдьык, уоскуйдахпытына сатанар буолла.
Сарсыарда, сылаабытыттан эппит көһүйэн хаалан, атах-
пытын нэһиилэ соһор буолбут этибит.

«Ааҕааччы тэтэрээтигэр» сөбүлээбит уруһуйгун оҥор.

Николай Тарабукин туһунан «Элбэҕи ааҕыаҥ — үгүһү
билиэҥ» салааҕа ааҕыҥ.

Суорун Омоллоон

ХАРАҤАҔА ТЫКПЫТ СЫРДЫК

1. Ньукуус оскуолаҕа үөрэнэ барыан баҕарара туохтан
көһүннэ?

2. Оскуолаҕа кинилэри ким хайдах көрүстэ?
3. Кинилэри ким аһынна?
4. Учуутал Күөстэ тас көстүүтүн булан хат аах.
5. Судаарыскай Болдьумаар туһунан кэпсээ.

Ньукуус быйыл аҕыһын томточчу туолла. Инньэ гынан
үлэ-хам нас киһитэ буолбута икки сыл буолла. Алтатыттан
бэттэх баайдар харахтарыгар таба көстөн, сорук-боллур
уол буолан, бэлиэр мөҕүллэн, сынньыллан ахан эрэр.