Page 78 - ЛИТЕРАТУРА ААҔЫЫТА 4 КЫЛААС 2 ЧААҺА

ран, биир төгүрүк лэппиэскэни оҕотугар өйүө диэн кыбы-
нан баран, оскуолаҕа барда.

Аара, сирдэрин ортолоон баран, сынньаннылар. Дьаа-
кып хамсаты н ылан табах тарта. Табаҕын тарда-тарда,
Ньукууска үөрэтэр быһыынан эттэ:

— Ыллахтарына, бука диэн мэниктээбэт буолаар. Оҕо-
лору кытта моһуоктаһа сылдьаайаҕын, баай-тот оҕолоро
тобулута сынньан кэбиһиэхтэрэ. Уонна муостаҕа хаһан да
силлээбэт, сыыҥтаабат буолаар, учууталыҥ мөҥүө.

Ньукуус лоп бааччы: «Сөп». — диэтэ.
Онтон эмиэ хааман татырдаһан бардылар, кулуннаах
биэ курдук субуруһан истилэр. Ааспыт сирдэрэ кэннилэ-
ригэр хаалан истэ, саҥа сирдэр иннилэригэр үүнэн ис-
тилэр.
Сэттэ биэрэстэ холобурдаах сири хааман, дэриэбинэ-
ҕэ кэллилэр.
Бастаан таҥара дьиэтэ көһүннэ. Эчи үрдүгүн, кириэһэ
кылабаччыйара үчүгэйин. Киһи кускуурунан да быраҕан
тиэрдиэ суох.
Ньукуус урут бу дэриэбинэҕэ сылдьа илик этэ. Онон
кини көрөөт, саҥ а аллайа түстэ: «Оо, үгүс да дьиэ, тоҕо
баҕас үрдүктэрэй!»
Онтон дьэ оскуолаҕа кэллилэр. Атахтарын соттон киир-
дилэр. Оҕо бөҕө мустубут. Бииргэм туу иһигэр киир-
бит мунду курдук булумахтаһаллар. Инньэ гынан Ньукуус
хаамтаҕын аайы бара-бара оҕолорго кэтиллэ түһүтэлээтэ.
Онуоха сорох оҕолор түөскэ анньан кибилиннэрдилэр,
сорохтор эмэһэҕэ тэптилэр. Оҕордук мучумааннанан, уп-
уһун хаһаа курдук дьиэ устун аҕатын батыһан баран иһэн,
алаар-малаар буолан, аны мунан хаалла, хайа да диэки