Page 79 - ЛИТЕРАТУРА ААҔЫЫТА 4 КЫЛААС 2 ЧААҺА

кэлэрин-барарын билбэккэ төттөрү эргилиннэ. Ону аҕата
булан, сиэтэн илдьэн учуутал хоһугар киллэрдэ.

Киирбиттэрэ, торум курдук хара бытыктаах, килбэльи-
гэс сотолоох саппыкылаах, хара баттаҕын өрө тарааммыт,
түөһүгэр кыһыл көмүс быалаах чаһыны туора иилиммит,
хаһаланан эр эр эд эр киһи төттөрү-таары хаамыталаан лэс-
кэҥнии сылдьар эбит. Бу улуус кулубатын уола Күөстэ оҕо
диэн, соҕотоҕун кини эрэ үөрэхтээх курдук сананан, олус
киэбирэ туттунар, мэктиэтигэр сахалыы да сатаан саҥар-
бат курдук буола сатыыр, дохсун, бардам баай уол этэ.

Ньукуус, бу киһиттэн куттанан, аҕатын кэннигэр сөрүө-
һүннэ. Аҕата, бэргэһэтин устан баран, курданарыгар диэ-
ри тоҥ хос гынна уонна эттэ:

— Тойонуом, бу оҕобун үөрэттэрэ аҕаллым. Оскуолаҕа
ылан үөрэтэргэр көрдөһөбүн, — диэн баран, эмиэ тоҥхос
гынна, сонун алдьаммыта, тэтиҥ сэбирдэҕин курдук, или-
бирии-илибирии.

Учуутал тохтоон Дьаакыбы өр көрөн турда. Онтон чик-
кэс гынан баран: «Бар, атаххын сотун», — диэн күргүйдээ-
тэ. Дьаакып атаҕын сотто аан диэки барда. Ньукуус аҕа-
тын кэнниттэн кутурук уопсан тахсыһан истэ.

Онуоха учуутал эм иэ хаһыытаата:
— Кэл, манна! Тур, манна! — диэн, уолу окумалыттан
ылан, хос ортотугар аҕалан туруоран кэбистэ.
Ньукуус сонун тэллэҕэ тэлибирии, сүрэҕэ быллыгырыы
түстэ. Ытыахча буолан баран, сир диэки көрөн турда.
— Аат кимий?
— Мин дуо?
— Эн доо!
— Аатым Тооппоор.
— Суох, үчүгэй аат?