Page 3 - Литература 6 кылаас 1 чааhа
P. 3
Күндү үөрэнээччилэр!
Эһиги киһи буолан, буһан-хатан тахсаргытыгар ийэ тыл-
гыт, төрөөбүт литератураҕыт быһаччы өй-санаа, күүс угар
улуу күүстээх. Ол хайдах дии санаабыт буолуохтааххыт. Ийэ
тыл көннөрү дьон бэйэ-бэйэлэрин кытта кэпсэтэллэригэр,
өйдөһөллөрүгэр эрэ туһалыыр, ону салайар ньыма буол-
батах. Биллэн турар, ол эмиэ сүдү суолталаах. Ол эрээри
эһиги, балачча улааппыт дьон, төрөөбүт тылгыт хас биир-
дии тыла киһини кынаттыыр, дириҥ далай, мындыр тол-
куйдуур, үтүөнү, кэрэни үксэтэр бастыҥ майгылыыр улуу,
аптаах күүстээҕин болҕомтоҕо ылар кэмҥит кэллэ. Ол улуу
аптаах күүс уолбат быйаҥар, киэҥ киэлитигэр эн уус-уран
литература эрэ нөҥүө киирэр кыахтааххын. Атын суол суох.
Онон бэйэҕин киһи быһыытынан сайыннарарга турунар буол-
лаххына, күнтэн күн арахсыбакка, туруулаһан туран, күннээҕи
олоҕуҥ тиһигэр, үгүс дьарыктаргын табыгастаахтык былаан-
наан, уус-уран литератураны тиһиктээхтик ааҕыынан анаан
дьарыктанар буоллаххына, үөрэх-билии бары салааларыгар
ситиһиилээх буолуоҥ.
Тоҕо диир буоллаххына, дьиҥ уус-уран литература киһи
өйүн-сүрэҕин нөҥүө мэйиитин үлэтин муҥутуурдук сайын-
нарар кыахтаах. Уус-уран айымньыны ааҕыы толкуй араас
араҥатын уһугуннарар: ааҕааччы олох, киһи, кэм-кэрдии,
дьон сыһыанын туһунан ырытан, тэгэлитэн, сыымайдаан,
тиһиктээн көрөргө үөрэнэр. Ону олоххо үгүс ситиһиилэммит,
дьоҥҥо-сэргэҕэ үтүөнү оҥорбут, кэрэни үксэппит, сайдыы-
ны салайсыбыт дьон киһи олоҕор тугунан да солбуллубат
үтүө оскуола — уус-уран литератураны ааҕыы буоларын бэ-
лиэтииллэр.
Күндү доҕоттор, туох барыта кэмнээх-кэрдиилээх. Бу саас-
кытыгар уус-уран айымньыны ааҕыыга умсугуйбатаххытына,
кэлин ааҕыы умсулҕаныгар киирэргит, үтүөкэн саханы саха
3
