Page 7 - Литература 6 кылаас 1 чааhа
P. 7
Норуот тылынан уус-уран айымньыта
Норуот тылынан уус-уран айымньыта фольклор дэ-
нэр. Фольклору норуот уран тыллаахтара, ырыаһыттара,
остуоруйаһыттара, олоҥхоһуттара айаллар. Норуот тылы-
нан уус-уран айымньыта сурук-бичик үөдүйүөн быдан ин-
нинэ үөскээбитэ, уус-уран литература сайдыытын биир
төрүтэ буолар.
Норуот былыр-былыргыттан уус-уран тылынан бэйэ-
тин олоҕун, өйүн-санаатын, үчүгэйгэ, кэрэҕэ тардыһыы-
тын, чулуу дьонун эбэтэр кинини баттыыр-ата±астыыр,
сиэрэ суох быһыылаах дьон туһунан айан, уос номоҕо
оҥорон кэпсиир. Саха норуота баай, бэргэн тыл көмө-
түнэн ырыа, таабырын, өс хоһооно, остуоруйа, олоҥхо
айбыт. Бу айымньылары бастаан биирдии киһи айар:
ыллыыр, остуоруйалыыр, олоҥхолуур, чабырҕахтыыр,
кэпсиир. Ону уоска түһэрэн ылан, атыттар үтүктэн, бэ-
йэлэрин кыахтарынан, сөбүлүүллэринэн эбэн, көҕүрэтэн
атыттарга кэпсииллэр, ыллыыллар-туойаллар. Ити кур-
дук тылынан уус-уран айымньы киһиттэн киһиэхэ, үйэттэн
үйэҕэ бэриллэн иһэр. Ол сылдьан уларыйар-тэлэрийэр,
чочуллар, оҥоһуллар, кэлин бүтүн норуот айымньыта
буолан тупсан тахсар. £ссө сорох айымньы улуустары-
нан сүрүн ис хоһооно биир эрээри, атын араас ураты-
лаах, тус-туһунан көрүҥнээх буолар. Онон маҥнай төһө
да биир киһи төрүттээбитин, айбытын иһин, кэлин, үйэ-
лэр усталарыгар тэнийэн, сиртэн сиргэ, оннооҕор омук-
тан омукка көһөн, тарҕанан, тиһэҕэр, норуот бүттүүнүн
айымньыта буола ситэн, силигилээн тахсар.
7
