Page 38 - Литература 6 кылаас 1 чааhа

Тылбытын байытабыт

Ибир хамыйах — сир-дойду, от-мас иччилэрин айах ту-
тарга аналлаах хамыйах.

Мүөрүүн (мүөҕү) — көй түүлээх тирии.
Дьалыҥ — илбис, омун.
Көйүү, көйөлгө — аһытыы, көөнньөрүү.
Томторҕо — моойдуу быһан киэргэтии.

? Ыйытыылар уонна сорудахтар

1. Алгыһы «аптаах тыл», «тыыннаах тыл» диэххэ сөп
дуо? Тоҕо?

2. Эллэй Боотур эһэбит оҕонньор
Кэскиллээбит кэриэһэ,
Оҥкуллаабыт суола
Кэнники да үөскүүр кэнчээри ыччаттар
Кэскиллэрэ буолуохтун,
Хойут төрүүр ороһу оҕолор
Тускуллара буолуохтун —

диэн алгысчыт тугу этэрий? Билэр номохторгутугар,
үһүйээннэргитигэр тирэҕирэн кэпсэтиҥ.
3. Ытык өбүгэбит айылҕаны кытта ыкса ситимнээҕэ, итэ-
ҕэлгэ сүгүрүйүүтэ алгыс ханнык кэрчиктэригэр көстө-
рүй, суолтатын, ис номоҕун быһаарсыҥ.
4. Ыһыах алгыһыттан үтүөнү баҕарар уонна үтүөнү көр-
дөһөр сырдык тыыннаах тыллары булуҥ.
5. Алгысчыт иччилэртэн көрдөһүүтүн күүһэ ханнык тыл-
ларынан бэриллибитий?

Анаан дьүүллэһии
Алгыс эн көмүскэлиҥ буоларын билэҕин дуо? Күннээҕи

олоххо үтүө тыл суолтатын туһунан кэпсэтиһиҥ.

38