Page 40 - Литература 6 кылаас 1 чааhа

Ааҕыы, сэһэргэһии

Аал уот алгыһа

Алаас-сыһыы быһаҕаһын саҕа
Аҕыс кырыылаах таала маҕан
Холумтан дьаарбаҥнаах,
Аҕыс кырыылаах
Аан солоҕой оһох дурдалаах,
Итии солоҕой оһох дурдалаах,
Итии кыһа эркиннээх,
Сириэһиннээх итии болгуо саҕа
Тимир дуолан чох сэксэлээх,
Өҕүөмэр маҕан
Өрөкүйэ көтөр
Үрүҥ күл үллүктээх,
Кытыаста туругурар
Кыһыл кыым сардаҥалаах,
Үс курдуулаах маҕан
Далла ураһа саҕа
Най хара буруо түптэлээх,
Соноҕос ат хоолдьуктаах баһын саҕа
Алтаннаах болуо хатакка
Кубулуйан иҥмит,
Эскэл тый хара быарын саҕа
Икки кырыылаах эстэриик тааска
Иҥэн кубулуйбут,
Эмньик кулун өрµкүйэр
Көҕүлүн саҕа
Үрүҥ кыаҕа күөдьүйбүт,
Тырым уоту тыыннаабыт,
Күөх уотунан күлүмнүүр,
Кыһыл уотунан тыбыырар,
Кыымнаах кыһыл санаа,
Кырдьаҕас тойон эһэм —
Бырдьа бытык,
Кыырык түһүмэн,
Хатан Тэмиэрийэ,
Аан Уххан,

40