Page 44 - Литература 6 кылаас 1 чааhа
P. 44
Былах күөх сэбирдэҕинэн
Быһыт быһа сылдьар оҕонньорго
Оҕолор сырсан кэлэннэр:
«Олоҥхолоо!» — диэн олуйдулар,
«Ыллаа!» — диэн ыынньаҕалаттылар...
Онуоха,
Оҕонньор отуутугар тахсан,
Уотун иннигэр лэкээ уурунна,
Уҥа атаҕынан
Оллоон кэбистэ,
Хоппо ытыһынан
Кулгаах баттанна,
Кэрдиис хабарҕатын дабатан
Кэпсээн кэҕийэн киирдэ,
Көмүс күөмэйин көҥкөтөн
Күөрэтэн-дьиэрэтэн барда …
Эрчимэн Бэргэн сирэ-дойдута
I
...Былыргы дьыл мындаатын
Быдан нөҥүө өттүгэр,
Аныгы үйэ арҕаһын
Адьас анараа сиксигэр,
Туруу-бараан дойду
Туналыйар туоһахтатыгар,
Аҕыс уон аҕыс хайа
Алтыһар арҕаһыгар,
Тоҕус уон тоҕус үрэх
Доҕордоһор туймуутугар,
Бухатыыр үөскүөх,
Буойун олохсуйуох, —
Устата-туората көстүбэт
Улуу толооно
Олоҕурбута эбитэ үһү…
Ол толоон
Хара тыа
44
