Page 49 - Литература 6 кылаас 1 чааhа
P. 49
Көрдөр харахтарын дьүккэтэ,
Көтүрдэр тиистэрин миилэтэ,
Көмүс чыычаахтара
Илэ бэйэтинэн
Бу кэлэн турар эбит.
Үөрүүлэригэр,
Көмүскэлэрин уута
Күөгэс гына түспүт,
Харахтарын уута
Халыс гына түспүт,
Хапсаҕайдык
Харбаан ылбыттар,
Сымсаҕайдык
Сыллаан-уураан барбыттар.
Ол кэннэ
Өйдөөн-дьүүллээн көөртөрө:
Уоллара —
Үс төгүл үрдээбит эбит,
Түөрт төгүл төлөһүйбүт эбит.
Муннуктаахха дылы
Дараҕар сарыннаммыт,
Кырыылаахха дылы
Мөтөгөр түөстэммит.
Дьапталҕа тимир
Тас таҥастаммыт,
Кутуу тимир
Хос куйахтаммыт,
Тардыы көмүс
Тарбах үтүлүктэммит,
Кыһыы көмүс
Кырыылаах бэргэһэлэммит.
Бэйэтэ даҕаны,
Айыы оҕото буолан,
Алыс ыраас киһи эбит,
Күн улууһа буолан,
Көстө үчүгэй киһи эбит...
Куртуйах ньуоҕайын курдук,
49
