Page 52 - Литература 6 кылаас 1 чааhа
P. 52
Аат иҥэрэн,
Айыы сирин
Аарыма баҕанатынан анаабыт,
Орто дойду
Улуу бухатыырдарынан оҥорбут үһү», — диэтэ.
V
«Аан дойдубутун
Араҥаччылыыр киһилэннэхпит», — диэн,
«Күн улууһун
Көмүскүүр ыччаттаннахпыт», — диэн,
Эдэрдиин-эмэнниин,
Эмээхсинниин, оҕонньордуун
Илэччи эмиэ эҕэрдэлээтилэр,
Бүтэйдии эмиэ уруйдаатылар…
***
Ол кэнниттэн
Бухатыыр киһи,
Ойуур саҕатыгар тахсан,
Орто тииттэри
От курдук тоноон,
Эргэнэ тииттэри
Эрбэһин курдук үргээн,
Тиэргэн тэриннэ,
Дьиэ тутунна…
Байах тиитинэн баҕаналаан,
Дуул тиитинэн тулааһыннаан,
Үс курдуулаах
Моҕол ураһаны оҥоһунна…
Уонна
Отут быластаах оронугар
Оруопчук түһэн,
Тэбиэн кыыл тириитин
Тэллэх гынан,
Сырҕан эһэ арбаҕаһын
Сыттык гынан,
Сур бөрө уорҕатын
52
