Page 56 - Литература 6 кылаас 1 чааhа

Таһырдьа ыстанан таҕыста.
Ол тахсарын кытта
Анараа күтүр:
— Айыккабын, эчи куттаннахпын,
Аараттан мин тугум алдьархайай?
Кэбис, бэйэҕит кэпсэтиҥ! — диэбитинэн,
Биһиги киһибит
Бэҕэһээ бултаан аҕалбыт булдуттан
Биир буур тайаҕы кытаахтаабытынан,
Сайыҥҥы күн тахсыытын туһунан
Санньылыйа көтөн бара турда…

Биһиги киһибит
Өһүргэммитин
Өһүлбэт киһи эбит.
«Араат Мохсоҕол
Арҕаҕар тиийэн,
Ыар ыалдьыт,
Хоромньулаах хоноһо буолан,
Сут илиилээх,
Суухара тарбахтаах
Киһи кэллэ диир гына,
Кэпсэтэн көрдөҕүм» дии санаата.
Алааһыгар сүүрэн киирэн,
Атын тутан таһааран,
Ымыттыбат ыҥыырдаата,
Холборуйбат холумнаата.
Ийэлээх аҕатын
Иннилэригэр киирэн,
Тобуктуу түһэн,
Тойук туойа,
Дьуон дьаҥыдыйа олордо.

Эрчимэн Бэргэн:

— Аар тойон аҕам,
Алтан уҥуохпун
Араҥаччылыырыттан аккаастанан,
Күбэй хотун ийэм,
Көмүс уҥуохпун

56