Page 60 - Литература 6 кылаас 1 чааhа

Ойууртан киллэрбит булпун
Ү³лэн, астаан уурар
Үлэһит чаҕар наада диир.
Эйигин миэхэ кэлэн,
Эдьигэн кулут буоллун диир.
Кэлбэт буоллаҕына,
Бэйэм бараммын,
Кэтэҕиттэн соһон аҕалыам диир.
Чэ,
Суол киһитин тутума,
Айан киһитин тардыма,
Ээх дииргин-диэбэккин
Этэ оҕус! — диэтэ.

***

Онуоха
Араат Мохсоҕол,
Саар булгунньах курдук,
Сарайа үллэн таҕыста.
Дуул булгунньах курдук,
Томтойо үллэн таҕыста.
Хараҕалаах уктаах
Хатан кырыыҥкай үҥүүтүн
Харбаан ылла,
Содуомнаах
Суорба таас сүлүгэһин
Сулбу охсон ылла,
Онуоха туран
Анараа күтүр:
— Айыккабын, эчи куттаннахпын,
Аараттан мин тугум өлүүтэй?
Кэбис, бэйэҕит кэпсэтиҥ! — диэбитинэн,
Убаһалаах биэни
Умса кытаахтаан ылаат,
Кэлбит сирин диэки эмиэ
Көтөн күпсүйэ турда…

Абарыы алыһа буолла,
Уордайыы улахана буолла.

60