Page 63 - Литература 6 кылаас 1 чааhа

Тоҥолоҕун тэһииниттэн
Өрө охсоот,
Синньигэс биилиттэн
Туора харбаан ылан,
Үс төгүл
Өрө ытыйан таһааран баран,
Дьоллоох-соргулаах,
Дьолуо маҥан ньилбэгэр
Түөрэ мөхтөрөн аҕалан,
Төбөтүн оройунан
Умса бырахта,
Арҕаһыгар кэлэн,
Ат курдук миинэ түстэ,
Ол икки ардыгар,
Биирдэ өйдөөн кэлбитэ,
Уҥа илиититтэн
Ким эрэ тардыалыы турар эбит.

Ити Хаачылаан Куо кэлэн турар. Кини бу икки буха-
тыыр Чуура бухатыыр албыныгар киирэн охсуһан эрэл-
лэрин туһунан кэпсиир, онтон хомойон, куттанан, олус
ытыыр-соҥуур, ааттаһар-көрдөһөр. Эрчимэн Бэргэн,
Хаачылаан Куо этиитин ылынан, Хаачылаан Куо убайын
Араат Мохсоҕолу, сибилигин аҕай тыынын быһар мүч-
чүргэннээх түгэнигэр сылдьан, уҕарыйар, уоскуйар уон-
на: «Бу атаах уолу да өлөрөн, албан аатырар билли-
бэт», — диир уонна киһитин туруору анньан кэбиһэр.

Бу кэмҥэ Өксөкү кыыл, аны Уот Урбалдьын диэн
абааһы бухатыырыгар тиийэн, кинини Эрчимэн Бэргэни
утары киксэрэр.

Ол киксэрии ис хоһооно маннык: «Араат Мохсоҕол
бухатыыр балта Хаачылаан Куону эйиэхэ суорумньу-
луу сылдьаммын, охсуһууга түбэстим. Эрчимэн Бэргэн,
күүс өттүнэн күтүөттээри, кылынын, Араат Мохсоҕол
бухатыыры, кырбаата. Хаачылаан Куо буоллаҕына эн
аналыҥ этэ, онон бу кыыһы, хонук хоннорбокко, баран
ыла оҕус, өлбүтү өрүһүй, алдьаммыты абыраа».

63