Page 65 - Литература 6 кылаас 1 чааhа

Саҥата суох,
Саҕынньах курдук
Саптыһа түстүлэр,
Сон курдук
Суулаһа түстүлэр.
Эт да сутуруктарынан
Илиһиннэрсиэх дьон эбиттэр,
Тиийсибит сирдэрин
Тэлитиннэрэн истилэр,
Уунсубут сирдэрин
Ойутуннаран бардылар.
Ол курдук,
Уон түүннээх күнү мэлдьи,
Тэбис-тэҥҥэ охсуһан,
Уохтара хараан,
Уҥуохтара хардарсан баран,
Хата, дьэ өй буланнар,
Хараҕалаах уктаах,
Хатарыылаах оҥоһуулаах,
Хатан кырыыҥкай үҥүүлэрин
Хабан ыланнар,
Тыын сирбит,
Тэбэр сүрэхпит манан буолуо диэн
Түсүһэн киирэн бардылар.

Онуоха,
Хатан кырыыҥкай үҥүүлэрэ
Халты ыстанан,
Собо балык
Ойоҕоһун уҥуоҕун курдук,
Туора сойуодуйан тахсыбытын,
Илиилэрин таһынан
Эһэн кэбистилэр.
Сытыы батастарын
Сыыйа тардан ылан,
Дөбөҥнүк өлөр сирбит —
Төбөбүт сиигэ манан буолуо диэн,
Түһэрсибитинэн бардылар.
Онуоха,

65