Page 70 - Литература 6 кылаас 1 чааhа

От-мас аһылыктаах,
Уу-хаар куттаах,
Орто дойду оҕолорун
Утары сабдыппат
Уорааннаах тыыннаах буолуоҕум.
Үүт күүгэн аһылыктаах,
Өһүллэр өһүккэй үүдэһиннээх,
Үрүҥ күн дьонун
Өрө көрдөрбөт
Үс хара күлүктээх буолуоҕум...

Хаачылаан Куону
Хотун ойох оностоору
Хара таас гынан,
Кулгаахпар хорҕоттум.
Ийэ кылыным
Экчи тылласпытын ииннээтим;
Тойон кылыным
Туора быһыытыйбытын тобоҕолоотум…
Араат Мохсоҕол,
Акаарытыгар, айхалланан охсуһан,
Уруу буоларын
Отут күн уталытта;
Ыччат ууһуурун
Ый устата ыраатыннарда.

Дьэ, нойоон,
Эдэр кынныһах,
Ити дьахтары
Иэримэ дьиэбэр илтэхпинэ,
Дойдубун аҕынным диэн туймалдьытыа,
Дьоммун көрдөр диэн чочоҥолуо.
Ол ахсын
Ордоотоһор солом суох,
Кыра ахсын
Кырбаһар санаам суох.
Эн барсаҥҥын,
Илин-кэлин сүүрэҥҥин,
Саататыаҥ буоллар

70