Page 74 - Литература 6 кылаас 1 чааhа

Күн-Ый толоно көстүбэт гына,
Күөрчэхтии ытыйан таһааран баран,
Сирэйинэн умса эргитэн аҕалан,
Сэттэ чиэппэр тааһы
Сиҥнэри быраҕан түһэрдэ.
Дүлүҥ курдук төкүнүттэ,
Эриҥэх курдук эргиттэ;
Ырыалаах-тойуктаах,
Ырып-чырып батыйатын
Сототун тас өттүнэн
Сулбу ойутан ылан,
Тута өлөр сирин
Толкуйбутунан барда…

Эрчимэн Бэргэн Чуура бухатыыр куртаҕыттан хара
таас сымыыты булан, алдьатан, Хаачылаан Куону тилин-
нэрэр. Ити кэнниттэн бар дьоно, норуота алгыс алҕаан,
дьолу баҕаран, Эрчимэн Бэргэни Хаачылаан Куону кытта
холбууллар, улуу улахан уруу тэрийэллэр. Олоҥхо Эр-
чимэн Бэргэн Күн улууһун көмүскүүргэ, Айыы аймаҕын
араҥаччылыырга бигэ мэктиэ тылын биэрэринэн түмүк-
тэнэр.

? Ыйытыылар уонна сорудахтар

1. Ытык кырдьаҕастар Эрчимэн Бэргэн эргиллэригэр то-
ҕо бүк эрэнэллэрий?

2. Чуҥкунуур Чуура бухатыыр туох сыаллаах-соруктаах
сүүрэ-көтө сылдьыбытый?

3. Эрчимэн Бэргэн туохтан ордук өһүргэннэ?
4. Эрчимэн Бэргэн Уот Урбалдьыны кытта охсуһуутугар

тоҕо кыайыылаах тахсарый? Кыыда Тугуттай кэлбэ-
тэҕэ буоллар, Эрчимэн Бэргэн хотуох этэ дуо?
5. Эһиги олоҥхону ааҕан баран, ханнык бухатыыртан ор-
дук кэлэйдигит? Ааптар ханнык түктэри майгылаах
дьон сигилитин ойуулууруй, ол олоҥхо быһылааннара
сайдыытыгар туох суолталаммытый?
6. Толкуйдаан көрүҥ эрэ, абааһы бухатыырдарын ордук

74