Page 78 - Литература 6 кылаас 1 чааhа

С. А. Зверев—Кыыл Уола (Сунтаар), П. С. Семёнов—
Ырыа Былатыан (Хаҥалас) буолаллар.

Олоҥхону үксүгэр биир олоҥхоһут толорор. Кини ба-
ры бухатыыр, дьахтар, эмээхсин, оҕонньор, сорук-бол-
лур, абааһы ырыатын тус-туһунан куолаһынан ыллыыр,
онон олоҥхо олоҥхоһуттан дэгиттэр сайдыылаах, талаан-
наах артыыс буолууну эрэйэр, ону кыайбыт олоҥхоһут
киһи тохтоло суох хас да чаас, хас да күн олоҥхолуура
эмиэ баар эбит. Былыр, дэҥҥэ, биир олоҥхону хас да
киһи олоҥхолуура үһү.

Саха суруйааччыларыттан аатырбыт олоҥхоһуттары-
нан: П. А. Ойуунускай, В. М. Новиков—Күннүк Уурастыы-
рап, С. С. Васильев—Борогонскай буолаллар. Кинилэр
биирдии бэйэлэрэ сурукка киирэн, кинигэ буолан тах-
сыбыт олоҥхолоохтор. Бу бэйиэттэр кыра саастарыттан
дьарык оҥостон олоҥхолууллара.

Олоҥхо ойуулуур-дьүһүннүүр ньымалара

Олоҥхо уус-уран тыл, дириҥ далай санаа, сэһэн, муу-
сука, өҥнөөн-дьүһүннээн дьүһүйэн көрөр дьоҕур үйэлэр-
гэ чочуллан кэлбит биир кэлим айымньыта буолар. Онон
олоҥхону үөрэтиигэ кини ис айылгытыгар түмүллүбүт,
олоҕу мындырдыыр уус-уран ньымалар сүрүннүүр суол-
талаахтар. Норуот өйүн-санаатын муҥутуур чыпчаала,
толкуйун дириҥ далайа, ойуулуур-дьүһүннүүр кыаҕын
эгэлгэтэ эллэнэн, уус-уран айыыны үйэлэргэ чочуйан
таһаарбыт ньымаларын ырытыы, билии эһиги толкуйдуур
дьоҕургутун сайыннарыа, айарга, чинчийэргэ көҕүлүө.

Олоҥхо араас ойуулуур-дьүһүннүүр тэҥнэбилинэн,
эпитетинэн муҥура суох баай.

Эриллэҕэс тиит курдук
Илиилээх эбит,
Хатыллаҕас тиит курдук
Харылаах эбит,
Аллаах ат харытын
Таҥнары туппут курдук
Субуллаҕас муруннаах эбит,

78