Page 80 - Литература 6 кылаас 1 чааhа
P. 80
…тоҕус халлааҥҥа уһуутуу сүүрэр
Уһун ньургун саалаах,
Аҕыс халлааҥҥа хаһыытыы сүүрэр
Хап дьиэрэҥкэй оноҕостоох эбит…
Олоҥхоҕо бары-барыта тыыннааҕымсытан көрдө-
рүллэр: от-мас, аартык, хайа, байҕал — бары иччилээх-
тэр. Олоҥхо ата «киһилии кэпсиир, сахалыы саҥарар».
Оннооҕор дьиэ-уот «олоҥхоһут олоппостоох, ырыаһыт
ыскамыайкалаах, хоһоонньут хоспохтоох, үгэлээх үгэх-
тээх» аатырар.
Ааҕыы, сэһэргэһии
П. П. ЯДРИХИНСКАЙ—БЭДЬЭЭЛЭ
Дьырыбына Дьырылыатта Кыыс бухатыыр
(Быһа тардыы)
Бу иннигэр арҕаһыттан тэһииннээх Айыы хаан айма-
ҕын араҥаччылыырга анаммыт Дьыгыс хаантан дьылҕа-
лаах, Одун хаантан оҥоһуулаах тыллаах-өстөөх Дьыллыа
маҥан аттаах Дьырыбына Дьырылыатта Кыыс бухатыыр
Үөһээ айыылартан ананан оҕо буолан төрөөһүнэ, буха-
тыыр кыыс буолан омуннаахтык улаатыыта, убайа Тойон
Дьөллүүттүүн оҕо эрдэҕинээҕи олохторо, оонньуула-
ра сиһилии ойууланар. Сиппиттэрин-хоппуттарын кэн-
нэ убайын, Тойон Дьөллүүт бухатыыры, абааһы аймаҕа
атаҕастаан, эргийбэт сиригэр, үтүгэн түгэҕэр хаайбыт-
тарын быыһыы барар кытаанах санааны ылынан бар
дьонун алгыһын ылар, салгыы:
Дьырыбына Дьырылыатта
Кыыс бухатыыр, наскыһыйан,
Аал Кудук маһы
Күн өттүнэн
Күөйэ хааман тиийэн,
Арыы ньалаҕай дьабатын
80
