Page 85 - Литература 6 кылаас 1 чааhа

до айыллан түспүт тыллаах-өстөөх Дыллыа маҥан атын
тутан ылаат, уһаппакка-тэниппэккэ:

Кылааннаах кыыс оҕо туйгуна
Дьырыбына Дьырылыатта обургу
Тохтотон-уоскутан туруорбата,
Толоҕоһун тэһиинин
Тус хоту диэки
Тэгэличчи баттаата да,
Кытаанахтык кыһыгыраччы кымньыылаата,
Тэтимнээхтик тибилийэн киксэрдэ.
Онуоха баара дуо, доҕоор,
Соноҕос ат барахсан
Түөрт байбарыын атаҕын
Баҕаналыы тэбинэн турбут сириттэн
Тоҕустуу саһаан кураҥнаах
Тоҥ буору
Тоҕута тэбитэлээн,
Аҕыстыы саһаан кураҥнаах
Иэдьэгэй буору
Ибили тэбитэлээн,
Түөрт хаардаах бугул саҕа
Түөрэм таас туйаҕынан
Түһэрин дьүүлэ биллибэккэ түстэ,
Ойорун оломо биллибэккэ ойдо.
Аллара көрдөххө — халлаан,
Куйаар дойдуну курдаттаата.
Кулгааҕын тыаһа
Арылыас кус
Кынатын тыаһын курдук
Куугунаан барда,
Сырайа-хараҕа
Сытыы чыпчаххайынан
Быһыта курбуулана истэ.
Xapaҥa дьаҥхалара
Харааран көһүннүлэр.
Чугаһаан кэлбитэ:
Үрүт өттө үмүрүк,
Алын өттө нэлбиһэх

85