Page 89 - Литература 6 кылаас 1 чааhа
P. 89
Хонуккар диэн биэрбэккэ,
Кулугур кулгаахтаатылар,
Этирик түөстээтилэр.
Күн сардаҥата түмүллэн,
Күлүмүрдүү сыдьаайбытын курдук,
Кыыс оҕо кылаан бэрдэ —
Байтаһыҥҥыттан бэрсэҥҥин,
Сааллaaxхыттан салайаҥҥын,
Xоҥнуолааххыттан холбооҥҥун,
Сиэллээххиттэн сэмсэлээҥҥин
Илдьэ кэлбит
Идэһэ кэһииҥ,
Куду аспыт
Кудаҥа тутууҥ
Куччугуйун иннигэр,
Куурбут куолайбын хоһуоктаттыҥ,
Ааспыт айахпын амтаһыттыҥ.
Дьэ дуу, хотуой,
Араҕас маҥан халлаантан
Илэ-бодо айыллан түспүт
Тыллаах-өстөөх
Дыллыа маҥан аттаах
Дьырыбына Дьырылыатта,
Аллараа дойдуга ааһар
Аргыардаах аартыккын арыйдым.
Түгэх дойдуга түһүөрүйэр
Дүрбүөннээх суолгун тобуллум.
Идэҥэ-кудаҥа кэһиигин
Илдьэ кэлэн тииһиннэрээр! — диэн,
Быһал-тэһэл кэпсэл саҥа
Баллыгырыы хаалла.
Хамсаабыты хабан ылар
Хап-чалахай инньэ тыллаах,
Үс дьүһүлгэннээх күлүгүн
Быһа бараары гыммыты
Көхсүн хараҕынан
Дьөлө көрөн кэбиһэр,
Хахсааттаах халлаан
89
