Page 91 - Литература 6 кылаас 1 чааhа

Кунан оҕус саҕа
Тоҥ буорунан тобурахтаата,
Тиҥэһэ ынах саҕа
Дьилэй тааһынан тибилийдэ.
Туйаҕын тыahа
Ньиргиэр этиҥнии ньириһийдэ,
Холлоҕостоох уотунан уһуурда,
Сааллар чаҕылҕан дапсыырданна.

Ньүкэн дойду үөнүн-көйүүрүн,
Ыырын-дьаарын ыраастаан,
Маҥан байбарыын
Атаҕын анныттан
Сэттэ илбистээх
Силлиэ буурҕа сирдьиттэннэ,
Дьилбэгин анныттан
Аҕыс алдьархайдаах
Аан холорук аргыстанна,
Тобугун анныттан
Тоҕус бohoллоох
Дохсун буурҕа дуксуурданна,
Турар кумалааннары
Тостурута көтүппүтэ,
Торҕон бөрө буоланнар
Улуһа-тиэйэ хааллылар.
Эмэх мастары
Эмтэритэ тэптэртээбитэ,
Эгэ-дьэгэ эккирээмэхтиир
Сэлээр мэнэрик буоланнар
Силбиэтэнэ хааллылар.
Сытар мастары
Сыыйа тэптэрбитэ,
Сырҕан эһэ буоланнар
Сабырҕахтаһа хааллылар.
Чуop мастары
Тостурута тэптэрбитэ,
Дуолан ойуун буоланнар
Домнуу, туойа хааллылар.
Турар очуостар төбөлөрө

91