Page 88 - Литература 6 кылаас 1 чааhа

Онугайы к³рөн баран,
Аартык иччитэ үөһүн таттарда.
Өрө көбүөхтүү олорop
Үс мэнэгэйдээх бэлэһигэр
Тэһии кундул хаҥыллары
Тиһигирэччи тэптэрбитинэн,
Тобулу чупчуруйан ылан,
Ахта байтаһын аҕыс атыыры
Айаҕымсах айаҕар,
Кураадыйбыт куолайыгар
Куду тардан ылан,
Соҕотохто суох,
Биирдэ мэлис гыннаран,
Мэҥиэстэ охсон кэбистэ.
Ити кэнниттэн
Амтаһыйбыт айах амалыйда,
Топпут куолай куллурҕаата:
— Бууйа-бууйа, бууйантайбыан!
Алаатыгар оҕолоор,
Айахтатыам ини.
Эминэ туомуй
Этиэм ини!
Үллэр үйэлэр тухары
Үнүөхтэһэн көрө сатаабыт
Үс дойду үтүөлэрин
Үрдүк уҥуохтарын
Үөрэҕэс гынан үлтүрүппүт,
Атын дойду ааттаахтарын
Ат гынан мииммит
Арбыйа тиистээх
Аллараа дьабын аймахтара
«Барбыты манас,
Кэлбити кэтэс», — диэннэр
Балыктааҕар кэлэҕэй,
Сымыыттааҕар бүтэй киһини
Сиэбэтэх да силгэлэрин,
Кыайбатах да кыһыаччытын,
Хоппотох да холгумнарын

88