Page 86 - Литература 6 кылаас 1 чааhа

Хара күҥкүс сыттаах,
Хас да хаардаах
Хара суор атыыр оҕус
Хааннаах хабарҕатын
Хайа баттаан ылан
Хаптаччы бырахпыт курдук
Хаан ньамаҕыллай аартык
Сарбынньах удаҕан
Саннын уҥуоҕа хайгыалаах,
Сэлээр мэнэрик
Сиһин уҥуоҕа эркээйилээх,
Домноох ойуун
Тоноҕоһун уҥуоҕа дьуолкалаах,
Тобулу суоруйан
Аллараа дьабын түгэҕин диэки
Хаанынан халыҥнаабыт,
Өһөҕүнэн өгүөҥнээбит,
Ыйыстыбытын ыыппатах,
Мэҥиэстибитин мэлиппит,
Түгэҕэ көстүбэт үлүгэр
Таҥнары дьуоҕаран
Түһэн бара турда.
Идэ´э кэһиитэ суоҕу
Иһирдьэ киллэрбэтэх,
Кудаҥа тутуура суоҕу
Курдары аһарбатах,
Анысханнаах Аллараа дойду
Айанын суолун аҥаабыллаабыт,
Аартык иччитэ
Үс садаҕа бастаах
Өлөр өлүү моҕой кыыла
«Кулу» диэх курдук
Куолайа куллурҕаата,
«Аҕал» диэх курдук
Айаҕа чаҥырҕаата.
Маны истэн Дьырыбына Дьырылыатта
Кыыс бухатыыр бэйэтэ:
— Айан араскааттаах,

86