Page 84 - Литература 6 кылаас 1 чааhа

Алтан килэди хаһаа,
Халлааҥҥа хабырыһа,
Күнү көрсө
Күөрчэхтии ытылла турара буолуо.
Ол иһигэр
Одун хаантан оҥоһууланан,
Дьыгыс хаантан дьылҕаланан,
Дьөһөгөй айыыттан кэскиллэнэн
Араҕас маҥан халлаантан
Илэ-бодо айыллан түспүт
Тыллаах-өстөөх,
Дыллыа маҥан ат
Дьырылаччы кистээбитинэн
Төлкөлөнөн түспүтэ.
Ону сылгылаан тиийэҥҥин:
— Туһааннаах иччиҥ мин кэллим,
Тохтоо, болҕой! — диэн баран,
Сылгылаан тиийбит киһи
Алтан хаһаа аанын
Аһан аччарыһа барбакка
Хампы тэбэн кэбистэххинэ,
Лах гына олоро түһэрин кытта
Сэк курдук сэрэнэн,
Ох курдук оҥостон,
Кустук курдук
Курбачыйан тиийэҥҥин,
Өрүү көмүс көнтөһүн
Өһүлэ тардаат,
Өрөкүтэн таһааран,
Үрдүк мындаатыгар
Олоро түһээр.
Үс түүннээх күн устата
Омуннаахтык үлүгэр
Ойон урбачыйыа,
Мөҥөн өрүкүйүө, — диир.

Аан Алахчын хотун эппитинэн, Дьырыбына Дьыры-
лыатта аналлаах атын, араҕас маҥан халлаантан илэ-бо-

84