Page 79 - Литература 6 кылаас 1 чааhа

Икки сур кырынааһы
Субуруччу туппут курдук
Субуллаҕас хаастаах эбит,..

Олоҥхо биир суол бэлиэ уратытынан сиһилии хоһу-
йуу (детализация) буолар. Тугу барытын силигин ситэ-
рэн, хас да тыһыынча поэтическай устуруокаҕа тэнитэн
хоһуйууттан көрөбүт. Холобур курдук Орто дойду си-
рин-уотун ойуулааһын түгэнин ылыаҕыҥ:

Кылбалдьыйа ойон тахсар
Чогдойор саалыгар,
Чонойор кэтэҕэр
Тоҕус уон тоҕус
Дуолан үрэхтэр
Холбоһон куугунаан киирбит
Холбороҥ маҥан хочолоох,
Аҕыс уон аҕыс
Ааттаах аарыма үрэхтэр
Айманан-айгыстан киирбит
Аатырбыт-аарыгырбыт алаастаах,..

Олоҥхо биир суол уратытынан сөҕүмэр фантазията,
киэҥ далааһына буолар. Олоҥхо омуннаах фантазията
ордук чаҕылхайдык дьоруойдары ойуулааһыҥҥа көстөр.
«Аан дойду күүһүн аҥаара күүстээх, дьолун аҥаара дьол-
лоох» буолаллар олоҥхо дуолан бухатыырдара. Тутаты-
на араас көтөргө кубулуйаллар, көрүөх бэтэрээ өттүнэ
үөйбэтэх-ахтыбатах дойдуга тиийэллэр. Ньургун Боотур
уордайбыт омунугар: «…сирэйиттэн сиэрэ уотун курдук
сирилии тоҕунна, хараҕыттан хатат уотун курдук сырдьы-
гыныы тоҕунна, саннын байаатыгар диэри хара көмүс
курдук куударалаах аһа туу сүрэҕин курдук төбөтүн оро-
йугар өрө күүрэн таҕыста…» Тугун сүрэй!

Олоҥхо поэтикатын биир ураты көрүҥүнэн дэмнээн,
дарбатан көрдөрүү (гиперболизация) буолар. Маны
бухатыыр дьүһүнүн-бодотун, сэбин-сэбиргэлин уус-уран-
нык хоһуйууттан дөбөҥнүк булуохха сөп:

79