Page 83 - Литература 6 кылаас 1 чааhа
P. 83
Хайа ыстанан тэлэлиннэ да,
Хабыйахаан курдук
Хаар маҥан баттахтаах
Хотун хаан эмээхсин
Кө±үөр курдук эмиийин
Кэлтэгэй кэрэтигэр дылы
Күөгэс гына түстэ.
Тиистээх тыҥырахтаах
Сиэгэн кыыл тириитинэн
Дэйбиирдэнэ-дэйбиирдэнэ,
Сардаҥалааҕынан ыраастык
Сандаарыччы көрөн туран,
Саймаарыччы саҥара турдаҕа:
— Уруй-тускул!!!
Күн улууһун күөрэгэйэ,
Айыы аймаҕын айаарата!
Күндү биэбэйим,
Этэр кэскиллээх тылым
Эгилэ эгэлгэтин
Илэ-чахчы иҥэрэн,
Истэ сэргэҕэлии туруй эрэ!
Атын дьабыннар
Араскааттаах аартыктарын
Арыйар кэмҥэр
Айыы оҕото ат көлөҕүн
Анаан-минээн
Алҕаан-силээн туран,
Атаарар күнүм дьэ буолла.
Субу мантан тус соҕуруу
Туналҕаннаах добун байҕал
«Кулу» диир кудумньулаах
Кудулуйар куулатыгар,
Тоҕус халтараан мэҥэһик
Уһулута ойон тахсыбыт
«Оччугуйда» диир оппуостаах
Очуос хайа дьулайыгар,
Тоҕус курбуулаах,
Аҕыс кырыылаах
83
