Page 92 - Литература 6 кылаас 1 чааhа

Тохтон суулуннулар,
Сытар сындыыс хайалар
Сырылыы тоҕуннулар,
Сымара хара таастар
Xарылаччы көттүлэр.
Ол дьабын дойдутун
Ото-маһа тараах иэнин курдук
Таҥнары сыыйылынна.
Бэтэрээ хайалар мэҥирэстилэр,
Анараа хайалар айаатастылар,
Улаҕа хайалар оруластылар,
Оһол очуостара
Уһуутаан чуҥкунаттылар,
Илбис хайалара
Иһиирэн чыскыттылар,
Кыргыс бырааннара
Кытаанахтык кыланнылар.

Хаан сатай халлааннарын
Tүөрт түллэр муннугуттан
Сүллэр этиҥнэр
Өрө сүүрэн лүһүгүрээн тахсаннар,
Хаанынан хаахтыы туруох курдук,
Халлаан төбөтүн оройугар
Таҥнары дьааһыйдылар.
Чаҕылҕан уота чаҕылыйан,
Сындыыс уота сырсан,
Аһаах маска алкыйда,
Кураанах маска улкуйда,
Үөл маска үөгүлээтэ.

Муос нооноҕой кунаннар
Буркуҥҥа муннулар,
Хара наанаҕай ынахтар
Xaapгa типтэрдилэр.
Харалҕан абааһылар
Ааны булбакка атан өллүлэр.
Соххор абааһылар
Суолу булбакка токуччу тоҥнулар,

92