Page 96 - Литература 6 кылаас 1 чааhа

Дурдa-xaxxа оҥостубут
Тоҥ дуолан уолаттарбын
Долборукка токуйар
Торбостооҕор куһаҕаннык
Чокуйталаан умсардаҕы²
Дьуламтатын эриэхсит!
Хотуой, хотуой киһийдэх,
Тойон ахан убайгын
Сордоох суолун сонордоон
Тобулу суоруйбуккун
Тобуктатан чокуйуом.
Кэлбит тахсыбатах,
Түспүт төннүбэтэх
Дьүгэн үөдэн түгэҕэр,
Кэбэл үөдэн кэтэҕэр
Кэллэҕиҥ буолуо!!!
Кэннигинэн кэҕиэриппэккэ,
Иннигинэн чугуруппакка,
Тоҕус уон тоҕус
Кудумньулаах куотар кубулҕаппынан
Куктуй курус халлаан
Хааннаах хара бурут
Халлараан ханаат быатынан
Хам-кум кэлгийээхтээн,
Баҕа үөн курдук бахчараҥнатыам,
Тыймыыт үөн курдук тыраҥалатыам,
Чоху үөн курдук чохчороҥнотуом,
Тоҕуста тоҥхороҥнотуом.
Атахтардаах илиилэргин
Кэдэрги кэлгийбэхтээн,
Тимир лиҥкир
Түҥкээлийэ хаайыыбар
Түҥкэлитэн түһэрэммин
Инньэ гынан ииннэриэм,
Сүүтүк гынан сүүдүтүөм.
Кут бэйэҕин кубулутан,
Сүр бэйэҕин сүүйэммин,
Кулугур таас кулгаахтыам,

96