Page 99 - Литература 6 кылаас 1 чааhа

Холбуу тутан баран,
Кулгааҕын тааһыгар диэри
Лыҥкыначчы тардан,
Түөлбэ хаан дүҥүрүн туһаайан
Төлө тардан кэбиһэрин кытта,
Эрбэҕин тыаһа,
Сааллар этиҥ ньиргиэрин курдук,
Ньирилии түстэ да,
Обот Хобочой удаҕан
Дүҥүрүн дьөлө сүүрдэн кэбистэ.
Ииpбэҥ-дьaapбaҥ илиититтэн
Мүччү туттаран,
Халты харбатан,
Удаҕан дүҥүрэ,
Сойуодуйбут суор курдук,
Супту сурулаан,
Таҥнары халааран
Хара дьэбилгэ бадарааҥҥа
Хампы түһэн,
Дьөлө дьуоҕаран хаалла.

Обот Хобочой удаҕан обургу
Сутаакы сур бөрөлүү
Сундулуйа чускуутаан,
Хагдаҥ эһэлии
Хатаннык часкыйан,
Хааннааҕынан хаахтаан,
Үөннээҕинэн үөгүлээн,
Симэһиннээҕинэн силлээн,
Сэттэ xapыc биилээх
Дьиппэ өлүү сүллүгэһин
Тэлээрдэн таһааран,
Айыы кыыһын
Туос хоҥоруутун туһулаан
Таҥнары дапсыйан истэҕинэ,
Дьып курдук оҥостубут
Дьырыбына Дьырылыатта
Кыыс бухатыыр онуоха
Үөгүлүү түһэн баран,

99