Page 104 - Литература 6 кылаас 1 чааhа

Хап гыннаран ылан,
Хамаҕа үлүгэрдик
Хам-кум ыйыһыннылар.

Ити кэнниттэн
Кыайан-хотон кылыһыйан,
Үөрэн-көтөн үлүһүйэн,
Дьырыбына Дьырылыатта обургу,
Үөрбэ хаан үҥүүтүн
Өрө туппутунан,
Тус хоту диэки
Өрүтэ үөмэхтээн,
Тоҥ сири тобугун оруутугар диэри
Тобулута нуоралаан,
Ириэнэх дьиэбилгэни
Иэччэҕин хараҕар диэри
Ибилитэ лээбилээн,
Чэгиэн таастан тэбиммитэ
Дэлбэритэ ыстанан,
Ньиргиэр этиҥ курдук
Ньириһийэ хаалла.
— Халлааны сатарытар хаһыылаах
Хара маҥаас суордар
Халаатаан кэлэҥҥит
«Хап» гыннара хабыҥ эрэ!
Аһаан-сиэн сыһааҕыран
Араскааттаах аартыкпын арыйан,
Соргулаах суолбун тобулан
Алгыы-силии хаалыҥ диэн,
Ааттаһан эрэбин! — диэтэ.

Ити курдук этэн
Ыллаан бүтэрин аҕай кытта,
Халҕаһалаах халлаан
Хара маҥаас суордара,
Хахаара-хахаара
Халааран кэлэннэр,
Хапсаҕайдара хабан,
Кытыгырастара кытаахтаан,

104