Page 102 - Литература 6 кылаас 1 чааhа

Сэттэ сиринэн силбээһиннээх,
Тоҕус сиринэн курбуулаах
Тоҥ болгуо куйаҕын
Тохтоло суох тоҕута охсон,
Хопчоллубут курбуһаҕар иҥиннэрдэ.
Сараһын кыыһын сарылаппытынан
Хара лааҕай баттаҕыттан
Xapca суох батары харбаат,
Уҥа илиитинэн
Умсары далайан,
Дулҕа курдук
Тулахачытан таһааран,
Сэттэ бэчээтинэй сири
Сиҥнэри быраҕан түһэрдэ.
Солбоҥноох-содуомнаах
Обот Хобочой удаҕан
Өлөр үөһүн таттаран,
Өһөх хаанынан
Өөҕүргүү-өөҕүргүү үөгүлээтэ,
Өрүтэ бөтүөхтүү сытта.

— Абытайбын-халахайбын!
Алдьархайбыан-араллааммыан!
Чэй эрэ, хотуой,
Tыһы кыл саҕа
Тыын быһаҕаһына
Тохтоо, болҕой!
Тойон Дьөллүүт убайыкайгын
Тустуур ини бэйэҕэр,
Тоҥнуур ини күөҥҥэр
Туттарбахтыам курдукчай!
Өлөрбөккө-өһөрбөккө эрэ
Үрүҥ тыыммын өрүһүйэҥҥин
Үлэһит оҥостуоххун
Төһө-хачча буолуой?!!
Үлэһиппинэн үчүгэйбин,
Асчыппынан ааттаахпын.
Атас-доҕор туһугар
Алыстaaxай дьахтарбын.

102