Page 97 - Литература 6 кылаас 1 чааhа

Килэгир таас харахтыам,
Дьэбиннээх иэдэстиэм,
Тордохтоох ньуурдуом.
Тойон убайбар аналлаах
Хотун дьахтар онус ойох
Бэйэҕинэн кэлбиккэр
Биһирээхтээн тураммын
Биэс чупчурҕан иннэлээх
Бэлэспинэн күлэбин! — диэн баран,
Быһыы тупсаран, быар куустан,
Быакайа сытыйан турдаҕа.
Обот Хобочой удаҕан
Тойук аҥаарын туойан,
Ырыа быһаҕаһын ыллаан,
Тобулу чускуутаан,
Былаайах аҥаара былаайаҕынан
Быыстала суох
Быыгыначчы таһыйда,
Дүҥүр аҥаара дүҥүрүн
Дүүгүнэччи тыаһатан,
Түлэһэ уотунан түҥкүнэттэ,
Таҥнары халарыктыы сырытта.

Онуоха буоллаҕына,
Уоҕа-кылына оонньообут
Дьырыбына Дьырылыатта обургу
Айыы оҕото атыттан
Этэн баран эҕирийиэх иннинэ,
Эстэриик чокуур курдук,
Сулбу ыстанан түстэ да
Соноҕоһун торҕо тэһиинин
Орто дойдутун диэки
Тэгиличчи тутан кэбистэ.
Атын самыытыгар
Тап гына охсон баран:

— Күнү² сиригэр көччүй!
Айыы сиригэр aһaa!
Бохтор күннээх буоллахпына,

97