Page 95 - Литература 6 кылаас 1 чааhа

Ытылҕан буола түстэ.
Хара лаһыр уораҕай диэкиттэн
Ыйдаҥатааҕы тиит күлүгүн курдук,
Суодал бэкир xapa
Тоҕус тоҥ буойуттар
Өһөхтөөҕүнэн үөгүлээн,
Хааннааҕынан хахааран,
Өһүктээх үҥүүлэрин
Өрө туппутунан,
Өлөрсөр өйдөөх
Уун-утары сүүрэн
Бүгүлэхтэһэн иһэллэр эбит.
Дьырыбына Дьырылыатта обургу
Хапсаҕайдык хамсанна,
Суһаллык тутунна,
Муос дьирибинэй ох саатын
Сулбу тардан ылла да,
Түүлээх түркүн охторунан
Тоҕус тоҥ дуоланнарын
Түөрэхтэтэн кэбистэ.
Хара дьуоҕа былыт үрдүгэр
Дүҥүр аҥаара дүҥүрдээх,
Былаайах aҥаара былаайахтаах,
Быста-быста салҕаммыт бытырыыстаах
Удаҕан одьунааһа
Илэ дэриэтинньик
Уун-утары дьиэһийэн кэллэ да,
Өһөрөөрү үөппүтүнэн барда,
Сиэри дьиэһийбитинэн барда.

— Ээһэ-һээй, ээһэ-һээй!
Иһиликпин-таһылыкпын,
Иэдээникпин-куодааныкпын!
Эчикийэ, эчикийэ эристиин,
Эн дуу, күтүр дьаалы,
Энчирэппэт эрчим эрбэх,
Мүччүрүппэт сүлүһүн сөмүйэ,
Эриэкээбит эбиккин,
Муҥур үйэм тухары

95