Page 98 - Литература 6 кылаас 1 чааhа

Албан ааккын ааттаан
Адаҕыйан ыҥырыаҕым,
Айыы дьөһөгөй оҕото,
Аллаах ааттаах ат сылгым,
Ыраах да буолларгын чугас буолаар.
Этэн баран эҕирийиэх иннинэ
Кэлэ тардаар! — диирин кытта
Соноҕос барахсан
Tyс соҕуруу диэки,
Сулус быстыбытын курдук,
Соҕотохто суох,
Биирдэ мэлис гынан хаалла.

Ити кэнниттэн Дьырыбына Дьырылыатта
Өрө көрө түспүтэ,
Xapa күҥкүс бэйэлээх
Халлаан ап-оҕурук быата,
Өлөр өлүү cyopyн курдук
Хатыллыбытынан таҥнары халарыктаан,
Төбөтүн оройугар
Түһэн иһэрин көрөөт,
Тоҕус уон тоҕус бууттаах
Солотуу көмүс чохооччутун
Сулбу сүүдүтэн ылла да,
Үөгүлүү түһэн баран,
Өрө көтөөт,
Үлтү далайарын кытта
Таҥнары саккыраан,
Сындыыс уота буолан
«Сылыпыс» гынаат,
Сыыйылла ыһыллан хаалла.

Кыыс оҕо кылаан бэрдэ
Myoc дьирибинэ ох саатын
Сулбу тардан ылла даҕаны
Обот Хобочой удаҕан,
Хара дьуоҕай былыт үрдүгэр
Таҥнары ыһыллаҥнаан
Хахаара часкыйа сырыттаҕына,
Куорсуннаах кураҕаччы оҕун

98