Page 101 - Литература 6 кылаас 1 чааhа

Уостуганнаан дуксуйда,
Оройго чоккуйда,
Дайбаатаҕын аайы
Табыталыыр буолла.
Адьарай кыыһа,
Аһарыык бэрдэ,
Часкыйа-часкыйа
Чалахайынан тыбыырда,
Таҥнары халарыктаата,
Хахаара-хахаара
Хаанынан хаһыырда,
Куота көтө сылдьан
Курдьаҕанан илгиһиннэ,
Дэгиэ xapa тыҥыраҕынан
Дэлби тутуох курдук
Сирэйгэ силлии,
Xapaxxa хаахтыы сырытта.

Ол кэнниттэн буоллаҕына
Дьырыбына Дьырылыатта обургу
Оҕустаҕын аайы
Одьороҥнотон барда,
Кырбаатаҕын аайы
Кыадьараҥнатан барда,
Дайбаатаҕын аайы
Дьаадьараҥнатан барда.
Халҕаһа тимир
Хара лээгэй бэргэһэтин
Xapca суох хайыта сынньан,
Тоҕус уон тоҕус ойуун
Чохолойун уҥуоҕа
Хобо чуорааннаах,
Аҕыс уон аҕыс удаҕан
Арҕаһын уҥуоҕа
Хампа хара бытырыыстаах,
Сэттэ уон сэттэ
Сэлээр мэнэрик
Сиһин уҥуоҕа
Сэнньэлгэ нээлбиир симэхтээх,

101