Page 103 - Литература 6 кылаас 1 чааhа
P. 103
Хотуой, хотуой, хойут да
Хотун оҥостуоҕум!
Oxcopгун уурат,
Кырбыыргын кыалыгыт!!!
— Сөп! — эрэ диэтэргин
Сип-сибилигин,
Этэн баран
Эҕирийиэх иннинэ
Тус хоту бараммын
Будулҕаннаах байҕал
Кудулуйар куулатын
Тоҕус мэҥэһик чохчуругар
Түп гынар түптүрдээх
Түүнүктээх түрмэттэн
Туһааннаах убайгын
Тойон Дьөллүүт бухатыыры
Түөрт үтүгэн түгэҕиттэн
Түптүр дьуоҕаттан босхолуом,
Экчи биири этэбин! — диэтэ.
Дьырыбына Дьырылыатта обургу
Туох даҕаны
Тутуу-хабыы биэрбэккэ,
Умсары талахачытан,
Сылла-мылла сытыйбыт
Сылластыбыт сырайынан
Дьэбилгэ бадарааҥҥа
Дэлби быраҕан,
Тоҕус ойоҕоһун
Туос тордуйа курдук
Тоҕу үктээн кэбистэ,
Хаалдьыктаах баһын
Хайа эрийэн ылан
Хаһыытыы түһээт, халлаан диэки
Кыыратан кэбиспитин
Xааҕыргыыр-халаахтыыр
Хара маҥаас суopдар,
Харыс да сиргэ
Халты хамнаппакка
103
