Page 105 - Литература 6 кылаас 1 чааhа

Дьобулҕалара тоҥсуйан,
Идэҥэ-кудаҥа кэһиини
Илдьэ баран хааллылар.

Хара маҥаас бастаах,
Хара чыллырыыт түүлээх
Хахаарбыт халык суор
Супту сурулаан
Тыытыр тыҥыраҕынан
Тимир Чохчордоон өлүгүн үрдүгэр
Дабдас гына олоро түстэ да,
Тобулу тоҥсуйан,
Туора-маары хабыалаан,
Тумсун чуубур-чаабыр гыннарда.

Ити кэнниттэн Дьырыбына Дьырылыатта кыыс оҕо
кылаан бэрдэ өстөөхтөрүн өһөрөн, Аллараа дойду араас
ааттаахтарын суоһаран, убайын Тойон Дьөллүүтү быы-
һаан, өрөгөй бөҕөтө буолар, дьол-соргу тосхойор, айыы
дьонун олоҕо туругурар.

Анаан дьүµллэһии
«Күн киһитэ — көмүскэс, айыы киһитэ — аһыныгас» диэн

олоҥхо сүрүн номоҕун хайдах өйдүүгүтүй? Маннык түгэннэр-
гэ болҕомтоҕутун ууруҥ:

«Күн киһитэ» өйдөбүл дириҥ суолтата тугуй? Норуот муу-
дараһыгар хайдах өйдөнөрүй? Атын норуоттар өйдөбүллэ-
ригэр «күн киһитэ», «күн киһи», «киһи — күн» диэн этиилэр
өйдөбүллэрин кинигэлэртэн эбэтэр интэриниэт саайта-
рыттан булан бэлиэтэнэн кэпсэтиҥ.
«Көмүскэс киһи» — хайдах киһи көмүскэс буолуон сөбүй?
«Аһыныгас киһи» — хайдах киһини аһыныгас дииллэрий?
Эһиги санааҕытыгар, аһыныгас диэн ордук хайдах ис ту-
руктаах, күүстээх эбэтэр мөлтөх киһи буолуон сөбүй?

105