Page 100 - Литература 6 кылаас 1 чааhа
P. 100
Солотуу көмүс чохооччутунан
Күн өттүнэн
Күөйэ дапсылыйан
Утары тоһуйан дуксуйарын кытта,
Субай хааны улайдаабыт
Удаҕан оботтоох сүллүгэһэ
Хоолдьугунан тосту ыстанан,
Тулламай угун эрэ
Тутан хаалла.
Тимир тэрээгин элэмтэтэ
Тэрээдийэн тиийэн,
Apҕaa Араат таас чампарыгар,
Aһa бүппүт
Алтан олгуй курдук,
Таҥнары лаҥкынаан түстэ.
Былыт быстыбытынан
Быртах сырай
Былтарыс гынна,
Xаллаан хайдыбытынан
Хааннаах дьабадьы
Хаанньарыс гынна.
Манна барыкыс,
Итиннэ сүөдэкис
Буола түстэ.
Илбис-иирээн ииримтийдэ,
Оһол-содуом улаатта:
Үөгүлүү-үөгүлүү
Өттүктэһэн өрүкүстүлэр,
Кылана-кылана
Кырбаһан киирэн бардылар,
Часкыһа-часкыһа
Чабырҕай алларыстылар.
Айыы кыыһа барахсан
Дьырыбына Дьырылыатта обургу
Тоҕус уон тоҕус бууттаах
Солотуу көмүс чохооччутунан
Солбоҥноох-содуомнаах
Обот Хобочой удаҕаны
100
