Page 94 - Литература 6 кылаас 1 чааhа

Халлааннарынан көтөр кынаттаах
Кыайан дапсыйан көппөккө,
Хара далайга хаптаран,
Таҥнары даллаахтаан умуста,
Сирдэригэр сүүрэр атахтаах
Кыайан бөкөйөн сүүрбэккэ,
Үлтү үҥкүрүйэн сүттэ,
Ууларыгар салаллар лапчааннаах
Сатаан сундулуйа устубакка,
Халыҥ хара тыа
Хатан дьылҕа маһыгар
Хайыыларыттан өрө ыйаанан,
Хатан өллө.

Күн аҥаара күннэрэ
Көстүбэт буолла,
Ый аҥаара ыйдара
Ыһылы мэлийдэ.
Тоҕус түүн хараҥата
Түмүллэн түстэ.

Ол курдук кыыс бухатыыр
Дьырыбына Дьырылыатта обургу
Содуомнаахтык дьулуһутан
Туһаайбыты умсаран,
Араллааннаахтык айаннаан,
Табыллыбыты таҥнаран,
Түбэспити түҥнэрэн
Өрүкүтэн тиийэн,
Таһыгырыы тохто турар
Таллан таас хайаҕа
Өрө үөмэхтэтэн тахсан
Көрө түспүтэ:
Кыырай ыраах
Кыстык угун курдук
Хара лаһыр ордуулар
Хараара-барыаран көһүннүлэр.
Ол икки ардыгар,
Ыһыы-хаһыы, кый кырдаат

94