Page 71 - Литература 6 кылаас 1 чааhа

Салгын куккун ордоруох этим…
Элбэҕи үлэлэтиэ суох этим,
Этэрбэспин эрэ куурдарыах
Эбитим буолуо.
Чэ, буоларгын-буолбаккын
Этэ оҕус эрэ! — диэтэ

II

Биһиги киһибит
Үөһээ биистэр үктэтиилэрин
Өйдүүр киһи эбит,
Аллараа биистэр албынныылларын
Таайар киһи эбит.
Биир диэн мэккиспэккэ,
Икки диэн иһиллэхтэспэккэ,
Түллэр таас түөскэ
Түһэн кэбистэ.
Онуоха,
Анараа обургу
Киҥэ киҥ дуу,
Омуна омун дуу,
Туох да бокуойа суох,
Тунайдаабытынан барда…
Эрчимэн Бэргэн,
Биир эмэ
Ортотунан курданар,
Уһугунан дугунар,
Орпут буоллаҕына,
Оһолломмотун диэн,
Ханна эрэ
Хампа күөх кырыс
Хаалбыт буоллаҕына,
Хагдарыйбатын диэн,
Туора көтөн,
Тоҕус дьулайдаах
Туруук таас хайаҕа,
Күүстээх көрсүһэр
Күрбэ таас буолакка,

71