Page 66 - Литература 6 кылаас 1 чааhа

Өлөр өлүү содуомнаах кылыстара,
Үөл талах курдук,
Өҕүллэн хаалбытын,
Үгүрэлии түһэн баран,
Кэннилэринэн эһэн кэбистилэр.
Уонна эмиэ,
Эт сутуруктарынан
Эттэспитинэн бардылар,
Кыһыл илиилэринэн
Кырбаспытынан бардылар.
Ый отут хонугун устатыгар,
Уларса сылдьан,
Умсарыта быраҕыстылар,
Ол тухары, хайалара да
Аҥаардастыы хотуспатылар,
Өлөр үөстэрин булсуспатылар.
Иккиэ бэйэ-бэйэлэрин
Өйөнсөн тураннар,
Холлорун этэ
Холуотуйуор диэри,
Түөстэрин этэ
Түнэтийиэр диэри,
Охсуһан-охсуһан баран,
Иккиэн тэбис-тэҥҥэ
«Күр» гына сууллан түстүлэр.
Көбүөх гынар
Күүстэрэ быстан,
Өндөс гынар
Үүдэһиннэрэ ³һүллэн,
Өрө ууммутунан,
Өлбүт курдук тыыллан сыттылар.
Өр буола-буола,
Өйд³²үтэ суох,
Өлбөөрүччү көрөн кээһэр буоллулар.
Хас эмэ хоно-хоно,
Хаахтыйбыт күөс курдук,
Хардырҕаччы тыынан ылар буоллулар.
Анныларынан

66