Page 67 - Литература 6 кылаас 1 чааhа
P. 67
Аҕыс илии
Ардах түспүт,
Үрдүлэринэн
Үс илии
Түүнүк үүммүт.
Хаан сиэри,
Хара маҥаас суор
Халаахтаан ааһар буолбут,
Эт сиэри,
Икки бастаах элиэ
Иҥэрсийэн түһэр буолбут…
Ол сытан,
Биһиги киһибит:
«Үрүҥ күн дьоно,
Өрүһүк буолуҥ,
Аан дойдум дьоно,
Абырал буолуҥ!» — диэн,
Үөлүк-баалык
Үгүрэлээн ылаттаата…
III
Саргы-талаан
Сап саҕаттан салҕанардаах эбит,
Өлбөт өрөгөй
Ситим саҕаттан силбэһэрдээх эбит.
Хагдаҥ эһэ ыырын хайан,
Буур тайах суолун сонордоон,
Аҕыс үрэх баһын
Арҕаран иһэн,
Тоҕус тукулаан баһын
Тургутан иһэн,
Тоҥус бухатыыра —
Кырыйыы тимир куйахтаах
Кыйдам-хайдам сырыылаах
Кыыда Тугуттай обургу,
Уон сис уҥуортан
Ону чуордук истэн,
Улаан чуоҕур табатынан
67
