Page 58 - Литература 6 кылаас 1 чааhа

Сонордообутуҥ —
Суола арылыннын,
Ирдээбитиҥ —
Иннигэр тосхойдун! — диэтилэр.
Ол кэннэ
Оҕонньордоох эмээхсин
Уолларын
Куйах таҥаһа,
Хамылыайка сон курдук,
Курдастыар диэри
Кууһан туран,
Уоһуттан уураатылар,
Сүүһүттэн сыллаатылар.

***

Били өксөкү кыыл
Үс былыты үрдүнэн
Өрө сойуодуйан тиийэн,
Араат Мохсоҕол
Бастыҥ сэргэтигэр
Багдас гына олоро түстэ.
Тимир дьапталҕа кутуругун
Тэбэнэн тэлибирэттэ,
Садаҕа тимир кынатын
Сапсыйан дьарылатта,
Тумсун чоҥурҕатта,
Таҥалайын чаҥырҕатта,
Саманнык диэн
Саҥалаах буолла.

Өксөкү кыыл:

— Чулуп-чалып,
Чууп-чаап!
Бу
Аан дойдуга,
Аҕыс күннүк сири
Атаҕын аннынан
Аралдьыта үктүүр
Алып Хандаҕай хара аттаах

58