Page 53 - Литература 6 кылаас 1 чааhа
P. 53
Суорҕан оҥостон
Утуйан хаалла…
***
Икки күлүктээх
Эмньик кулун аттаах
Эрчимэн Бэргэн
Ити утуйа сытан,
Уутун быыһынан иһиттэҕинэ,
Омуннаах аан халарык түстэ.
Ураһата охто сыста,
Балаҕана байааттан ылла.
Онтон уһуктан кэлэн,
Ураатын үүтүнэн көрбүтэ —
Тимир чыллырыыт түүлээх,
Кырыйыы балаһа кынаттаах,
Кырыылаах дуксуур дьаҕыл тумустаах,
Содуомнаах уон дэгиэ тыҥырахтаах,
Чааскы саҕа харахтаах,
Чаан алгый саҕа бастаах
Үөһэ өлөр өлүү бииһин
Өксөкү кыыла кэлэн
Өҥөйөн олорор эбит.
Ол кыыл обургу,
Ол өҥөйөн олорон,
Сойуо хара тумсун
Сототун таһыгар
Сурдурҕаччы охсоот,
Кырыылаах аалыы тумсун
Кынатын таһыгар
Кыыһырҕаччы соттоот,
Киһилии дьаҥсайа,
Кэс туойа олорбут.
£кс³кµ кыыл:
— Чууп-чаап,
Чулуп-чалып!
Элбэҕи да эргийдим ини,
Эҥини да көрдүм ини.
53
