Page 57 - Литература 6 кылаас 1 чааhа
P. 57
Көтөҕөртөн күрэнэн,
Атах балай барда диэн,
Аймаһыйа-атарахсыйа,
Хоргута-хомойо хаалымаҥ.
Субу мантан,
Тус хоту халлаан
Дьуодьалаах булуҥар олохтоох
Аҕыс күннүк сири
Атаҕын аннынан
Аралдьыта үктүүр
Алып Хандаҕай хара аттаах
Араат Мохсоҕол бухатыыр
Илдьит-хоруй ыытан,
Илдьи үөҕэн-хомуруйан,
Сардаҥалаах сирэйбин саатырта,
Үтүө сурахпын өлбөөдүттэ.
Ол иһин, ону
Илэ бэйэбинэн тиийэн,
Иэстэһэн көрөөрү гынабын.
Өлбөт-сүппэт
Үтүө алгыскытын
Үрдүбэр сүктэриҥ эрэ! — диэтэ.
Онуоха,
Бухатыыр киһи киэнэ
Аҕалаах ийэтэ
Атахтарыгар туран:
— Аньыыта суох бэйэҕин
Атаҕастаабыттарын кэннэ,
Буруйа суох бэйэҕин
Булбуттарын кэннэ,
Кимиэхэ дьүүллэтээри
Кэтэһэ сытыаххыный,
Эт бэйэҕинэн тиийэн
Ирдэ´эн к³рд³±µ².
Сытыы тыллаах
Быһа эппэтин,
Уоттаах харахтаах
Утары көрбөтүн,
57
